Д-р Весна Миташова Филиповска
СПЕЦИЈАЛИСТ АНЕСТЕЗИОЛОГ
Биографија
Образование и стручно усовршување
Средно образование завршува во средното медицинско училиште „Славчо Стојменски“ во Штип (1993–1997 година).
Во периодот 1997–2004 година студира и дипломира на Медицинскиот факултет при Универзитетот „Св. Кирил и Методиј“ во Скопје.
Во 2004 година ги посетува последипломските студии на Катедрата за епидемиологија, биостатистика и медицинска информатика при Медицинскиот факултет во Скопје.
Во периодот 2006–2010 година ја завршува специјализацијата по анестезија и интензивно лекување на Медицинскиот факултет во Скопје и од ноември 2010 година е специјалист по анестезија и интензивно лекување.
Во 2009 и 2010 година остварува стручен престој на Институтот за физиологија, Оддел за хипербарична медицина при Медицинскиот факултет во Белград, Република Србија.
Во ноември 2013 и април 2014 година завршува тренинг за инструктор (Teach The Teacher) под покровителство на Европското здружение на анестезиолози, одржан во Темишвар и Брисел.
Во мај 2018 година стекнува титула магистер на медицински науки.
Во периодот 2005–2006 година работи во Специјалната болница за кардиохирургија „Филип Втори“ во Скопје.
Во 2009–2010 година е дел од тимот на Клиниката за пластична и реконструктивна хирургија, Оддел за хипербарична медицина во Скопје.
Од април 2011 до декември 2019 година работи на Универзитетската хируршка клиника „Св. Наум Охридски“, Оддел за анестезија и интензивно лекување во Скопје.
Од декември 2019 година до денес е дел од тимот на ЈЗУ Универзитетска клиника за државна кардиохирургија во Скопје, каде активно учествува во анестезија и интензивно лекување на кардиохируршки пациенти.