ЈЗУ Универзитетска Клиника за државна кардиохирургија известува дека двајца од нашите кардиохирурзи, д-р Колев и д-р Џелили, престојуваат на стручна обука во познатата Клиника за кардиохирургија во Бордо, Франција.
Оваа обука претставува дел од континуираниот професионален развој и унапредување на стручниот кадар во нашата клиника. Програмата вклучува современи хируршки техники и протоколи за лекување на срцеви заболувања, со акцент на минимално инвазивните пристапи и подобрување на постоперативната нега.
Меѓу најсофистицираните и најпрефинетите техники што беа претставени е употребата на роботскиот систем Да Винчи за поправка на митралниот вентил, како и изведбата на други минимално инвазивни кардиохируршки процедури, кои овозможуваат побрзо закрепнување и подобар постоперативен исход за пациентите.
Нашата установа континуирано вложува во стручно усовршување и размена на искуства со водечки европски центри, со цел обезбедување на највисок квалитет на здравствена услуга за нашите пациенти.
